අක්කාගේ ආදරය

යොවුන් සිතුවිලි මැද
අතර මං වී සිටින
කටකාරකම් දොඩන
හැඩකාරයෙකි නිතර


නිරතුරුව පුද ලබන අම්මාගෙ ආදරය
සැම විටම නොලැබෙන තාත්තගේ අවසරය
අක්කලා දෙන්නාගේ අඩු නොවන හුරතලය
මේ සැවොම රජ කරන ඔහු එකම කොල්ලාය

තිදෙනාම එකතු වූ විට
රණ්ඩු සරුවල් නම් එමට
ඒ සෑම තැනකදිම
ඔහු ගන්නෙ පෙරමුණය

දගකාරකම් එමට
තිබුණාට නිරතුරුව
පුංචි දේකදි වුවද
ඔහු හඩයි මට වැඩිය

නිතර ඔවදන් දෙමින්
ඔහුට ඇණයක් වෙමින්
සිටින්නේ පසුපසින්
ඔහු නොමග යාවි යැයි බියෙන්

ආදරෙයි පණ තරම්
මල්ලියේ නුඹට මං
සදා නුඹෙ ජය පතන
නුඹේ ලොකු අක්කා මං